глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Днесь светло красуется славнейший град Владимир, имея в себе пребогатое сокровище — чудоточащия честныя мощи благовернаго князя Глеба, имиже украшаяся и хваляся, вселенную всю созывает к веселию и велегласно во­пиет: о Владыко Христе, даровавый таковую благодать угоднику Твоему, его молитвами поминай нас.

Слава

глас 8
Взбранному и крепкому в праведницех, православною мудростию сияющему, великому чудотворцу, благодарственная восписуем ти, благоверный княже Глебе, яко имея дерзновение у престола Христова, верою чтущих тя, град и люди сохраняй молитвами твоими, ты бо еси земли Российския похвала и утверждение.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.