глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Измлада явился еси, Богомудре кня­же Мстиславе, Божественный сосуд, из­бран Богови, благочестием воспитан, веру непорочну соблюл еси. Темже предстоя Святей Троице, молися стране Российстей сохраненной быти и всем нам спастися.

Слава

глас 8
Многомудренно пожив в княжении твоем в Великом Новеграде сем, благоверный княже Мстиславе, плод благий Богови в жизни сей был еси, присноцветущ добродетельми, того ради получил еси жизнь вечную на Небесех, тело же твое нетлением прославлено бысть на земли. Мы же, предстояще иконе твоей, любовию вопием ти: радуйся, утверждение граду нашему.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.