глас 4
Иже во плоти Ангел и пророков на­чальнику свидетельствова, славный Ели­ссее, дивны чудеса соделал еси, проро­че, поспешеством Святаго Духа; силою Илииною исцелив водное естество, зве­ри же погуби пожирающия, и Неемана очисти, и вдовича сына воскресил еси, и всем чтущим тя даруй благодать и ис­целение.

Слава

глас 2
Пророк Божий явился еси, сугубую благодать прием, воистинну достойную тебе, Елиссее блаженне: Илии бо был еси совсельник, с нимже Христу Богу молися непрестанно о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.