глас 8
От юности своея, преподобнии отцы Андрониче и Савво, в пустыни вселистеся Сергия великаго, того житию по­следующе, плоды смирения и послуша­ния возрастили есте, сего ради сподобившеся быти строители и первоначальники обетныя обители святителя Алек­сия, с нимже испросите у Христа Бога верным людем здравие и спасение и ду­шам нашим велию милость.

Слава

глас 3
Вас молим, преподобнии отцы наши, телом почивающия на земли, духом же Божию престолу предстоящия; молитеся о граде Москве и о всех, почитающих честную память вашу.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.