Блгв. кн.Иоанн Угличский в иночестве Игнатий Вологодский

Сын угличскаго князя Андрея Владимировича, заключенный дядей его кн.Иоанном Васильевичем в темницу из опасения соперничества во власти; пред кончиною принял схиму; скончался в 1523 г.

глас 2
В житии своем многи скорби пре­терпел еси, блаженне, и терпения ради венец от Бога приял еси, и по смерти своей чудотворец показался еси. Того ради память твою песньми почитаем, преподобне отче наш Игнатие, молися, предстоя Святей Троице, державе срод­ник твоих Богоугодней быти, и сыновом Российским спастися.

Слава

глас 8
Изрядная отрасле благочестиваго корене, дивный благородный цвете, избранный от пелен благодатию Христовою, возлюбленный от юности Духом Святым, девственное процветение, Игнатие блаженне, днесь, сошедшеся, вернии, в память твою, похвальными венцы честную твою главу венчающе, зовем: радуйся, преподобне, сосуде Святаго Духа, всея Российския земли удобрение.

Величание

Ублажаем тя, преподобне отче Игнатие, и чтим святую память твою, наставниче монахов и собеседниче ангелов.