Блжж.Иоанн и родители его Стефан и Ангелина правители Сербские.

Бранковичи, деспоты Сербские, жившие в 15 в.

глас 4
Дивен, творяй преславная чудеса и прославляяй по кончине славящия Тя, нетленная телеса их являя и чудодействии люди обогащая во славу святаго имене Своего, даровавый нам тело угодника Своего Иоанна, молящагося о душах наших.

Слава

глас 8
Приидите, достодолжно почтим Иоанна, новыя благодати служителя новопрославленнаго, славу веры нашея и нашего молитвенника, созывает бо пети благодарными гласы и прославити Прославльшаго святыя Своя и молится о творящих память его и о зовущих ему: радуйся, Иоанне, новое процветение.

Величание

Ублажаем тя, святый праведный Иоанне, и чтим святую память твою, ты бо молиши за нас Христа Бога нашего.