глас 5На камени благочестия утвердився, пастырь ревностный явился еси, преподобномучениче Маврикие славне. Молитвою и постом, яко мечем обоюдоострым, вооружився, вражеския наветы препобедил еси, о службе церковней даже во узах радея, тяжкия муки и самую смерть за Христа во смирении приял еси и на подвиг Василия сострадальца твоего укрепил еси. Темже ныне молися благодать Святаго Духа нам стяжати и Царствия Небеснаго достигнути.
Слава
глас 1Благословение Кронштадтскаго пастыря Иоанна исполняя, путь служения Церкви и людем избрал еси, о воинех же земных попечение имея, сам воин Христов добропобедный явился еси и, ангельскаго жития взыскуя, под сень преподобнаго Сергия устремился еси, идеже служения во храме всех святых сподобился еси, преподобномучениче Маврикие. Во дни же гонений на Церковь Русскую вкупе с мучеником Василием даже до смерти пострадал еси. И ныне, со всеми святыми Троицу Живоначальную прославляя, моли спастися душам нашим.
Величание
Величаем тя, преподобнемучениче, и чтим подвиги и страдания твоя, яже за Христа претерпел еси.
увеличить изображение