Свт.Антоний еп.Вологодский

Епископ Вологодский, скончался в 1588 г.

глас 4
Иже от юности, Богомудре, возследуя Христу, во бдениих и в пощениих пребывая, и паству, от Бога дарованную ти, добре пасый, и учений Божествен­ных исполняя, и в жизненный путь на­ставляя: отнюдуже и архиерейства са­ном почтеся, Церковь и люди возвесе­лил еси; и по преставлении своем чудес лучи испущаеши, недугом с верою приходящим к тебе исцеление подая, и слепу младенцу свет дарова, угодниче Христов, святителю Антоние, предстоя Престолу Христову с лики Ангельски­ми, с нимиже моли Его о нас, притекаю­щих к тебе получити от него оставление грехов и велию милость.

Слава

глас 8
Возвеселися Христова Честная Церковь, приимша тя в недра своя пастыря и учителя; мы же, вернии людие, прославляем Подавшего ти благодать неоскудну, яже твориши преславная чудеса. Тем, святителю, не престай моля Христа, Емуже угодил еси, о нас хвалящих и чтущих тя, к тебе притекающих, подати милость зде и в день судный, да зовем ти: радуйся, святителю Антоние, граду нашему похвала и утверждение.

Величание

Величаем тя, святителю отче, и чтим святую память твою, ты бо молиши о нас Христа Бога нашего.