Прп. кн.Андрей в иночестве Иоасаф Спасокубенский (иной тропарь)

Преставление прп.Иоасафа, в мире кн.Андрея, в 1453 г., в Спасокаменном монастыре на Кубенском озере Вологодской губ.

глас 2
Яко древо насажденно при водах воздержания, струями слез твоих напояем, преподобне отче Иоасафе, сеяв бо слезами, в радости жнеши добродетельныя рукояти. Тем Великий Мздовоздаятель в житницах Небесных тя сокровище положи, но поминай чтущих любовию пресветлую память твою, моли Святую Троицу, преподобне Иоасафе, спастися душам нашим.

Слава

глас 4
Явися велие солнце Христове Церкви, просвещая тех житием своим, всечестне, яко черпалом златым от кладезя неископаннаго, чудеса почерпл еси от Источника неистощимаго, на успение свое пришел еси, всеблаженне Иоасафе, ныне всем даеши грехом прощение.

Величание

Величаем тя, преподобне отче Иоасафе, и чтим святую память твою, наставниче монахов и собеседниче ангелов.