Преложение мощей свтт.Феодора еп.Ростовскаго и Иоанна еп.Суждальскаго

Преложение мощей в 1879 г.

глас 8
Яко апостолом единонравных учителей Суждальския страны, и целителей душ и телес премудрых, и служителей Богу благоприятных, к ракам честных мощей ваших притекающе, ублажаем вас, святителие Богоблаженнии, Феодоре и Иоанне, в песнех же и пениих, радующеся, славим Христа, даровавшаго вам благодать исцелений и граду нашему Суждалю великое в вас утверждение.

Слава

глас 8
Божественных и пречестных святителей Христовых и чудотворцев Иоанна и Феодора, вернии, поюще, да ублажим, яко днесь, в память их притекающе к ракам мощей их, молим многообразных нас обстояний избавити, да вопием вам: радуйтеся, граду нашему и Церкви Христовей великое утверждение.

Величание

Величаем вас, святителие велицыи, и чтим святую память вашу, вы бо молите за нас Христа Бога нашего.