Икона Божией Матери Толгская

Явилась в 1314 г.; на месте ея явления основан Толгский монастырь.

глас 4
Днесь светло сияет на Толге образ Твой, Пречистая Дево Богородице, и, яко солнце незаходимое, всегда верным подадеся, Егоже видев на воздусе, не­видимо Ангелы, яко никим, держима, преосвященный епис-коп града Ростова Трифон тече ко явленному светящемуся столпу огненну, и по водам, яко по суху, прейде, и моляшеся Ти верно о пастве и о людех. И мы, к Тебе притекающе, зо­вем: Пресвятая Дево Богородице, вер­но Тя славящих спасай, страну нашу, архиереев и вся Российския народы от всех бед избавляй по велицей Твоей ми­лости.

Слава

глас 8
Чудное и богоприятное светоноснаго зрака Твоего явление, Прчистая Дево, с верою взирающим бывает известное чаяние спасения, столпом бо огненным являющи предстательство, неусыпное и теплое за ны к Богу возсылаеши моление, имже страну Российскую от всяких бед избави, молимся, да радостными усты вопием Ти вси: радуйся, Предводительнице вечнаго блаженства.

Величание

Величаем Тя, Пресвятая Дево, Богоизбранная Отроковице, и чтим образ Твой Святый, имже точиши исцеления всем с верою притекающим.